Posted by admin on April 25, 2009 under Uncategorized
ကျုပ်အိမ်တလုံးလောက် ဆောက်ချင်တယ်။ ကိုယ်တိုင်စဉ်းစားထားတဲ့ စိတ်ကူးလေးတွေနဲ့ပေ့ါ။ ကျုပ်နဲ့ ခင်တဲ့ ဗိသုကာကလဲ အားပေးပါတယ်။ ခင်ဗျား ဘယ်လိုဆောက်ချင်တာလဲတဲ့။ ဒီလိုမေးမယ့်သူရှိတော့လဲ စဉ်းစားထားတဲ့ စိတ်ကူးလေးတွေ ပြောပြရသေးတာပေ့ါဗျာ။
ကျုပ်က အိမ်အ၀င်ပေါက်ကို အနောက်ဘက်မှာ ထားချင်တာ။ ခြံနောက်ဘက်ပေ့ါ။ သူများတကာက အရှေ့မှာ ထားလေ့ရှိကျတာကိုး။ ကျုပ်က သူများနဲ့ မတူချင်ဘူးလေ။ အကောင်းဆုံးကတော့ ကျော်ဝင်ရမယ့်အပေါက်ဆို ပိုတောင်သဘောကျပ့ါ။ ဒါမှာ လူဝင်လူထွက် သေချာမြင်ရမယ်လေ။ လုံခြုံရေးအတွက် စိတ်ချရတာပေ့ါ။ အိမ်ထဲဝင်ဖို့တော့ ကရိန်းတခုလောက် လိုလိမ့်မယ်။ ဘာလို့လဲဆိုတော့ အိမ်ထဲဝင်ပေါက်က အမိုးပေါ်မှာလေ။ ကြိုးတစ်ချောင်းထားပေးဖို့တော့ စိတ်ကူးထားပါတယ်။ ကြိုးနဲ့တော့ ခေါင်မိုးပေါ်တွယ်တက် ရမှာပေ့ါ။ ဒါကမခက်ပါဘူးလေ။ လူဆိုတာ မျောက်ကဆင်းသက်လာတယ်လို့ ပြောကျတာပဲမလား။
ခေါင်မိုးပေါ်မှာပဲ လှေကားကို ထားချင်တယ်။ ကျုပ်မှာ အကြံအစည်တခုရှိတယ်ဗျ။ ဧည့်ခန်းထဲကို ခေါင်မိုးပေါ်ကနေ ခုန်ချရင်ခုန်ချ။ ဒါမှမဟုတ် လှေကားနဲ့ဆင်းစေချင်တာ။ ဒါမှ လာမယ့်ဧည့်သည်က ကျုပ်အတွက် လာချင်းကောင်းသော ဧည့်သည်ဖြစ်မှာပေ့ါလေ။ ခုန်ချရမယ့်သူတွေအတွက် စိတ်ပူစရာမလိုပါဘူး။ ကျမယ့်နေရာ ဧည့်ခန်းထဲမှာ ရေကန်ထားပေးမယ်လေ။ လာတဲ့လူတိုင်းက ရေတော့ချိုးရမှာပဲလေ။ ကျုပ်ကို လူတွေကဇီဇာကြောင်တယ် ပြောရင်ပြောမှာပေ့ါလေ။ ကျုပ်ကိုက အသန့်ကြိုက်တာကိုး။ ဘယ်တတ်နိုင်မလဲလေ။ ရေချိုးပြီး သန့်သန့်ပြန့်ပြန့် နဲ့ဆို ပြောရဆိုရပိုမကောင်းဘူးလားဗျား။ ကျုပ်က စေတနာနဲ့ပါလေ။ ရေမကူးတတ်တဲ့သူတွေအတွက်… အော် ဟုတ်သားပဲ။ စိတ်မပူပါနဲ့။ ခလုတ်လေးတွေထားပေးမှာပေ့ါ။ အကူအညီတွေအတွက်ပါ။ ဘယ်သူ့ကိုလာကယ် စေချင်သလဲ။ ကြိုက်တဲ့သူရွေးပေ့ါဗျာ။ စိတ်ချပါ ကမ္ဘာကျော် လှလှပပ ခန့်ခန့်ညားညားလူတွေကိုပဲ ထားပေးမှာပါ။ ဂျိုးလီတို့လို၊ ဘရက်ပစ်တို့ လိုပေ့ါဗျာ။
လာမယ့်ဧည့်သည်တွေစားဖို့အတွက်တော့ တော်တော်စဉ်းစားရခက်သား။ ဘာလို့လဲဆိုတော့ ကျုပ်က မီးဖိုကို အိပ်ခန်းနဲ့ တွဲထားချင်တာဗျ။ ဒါမှ ဗိုက်ဆာရင် တကူးတက သွားစရာမလိုမှာပေ့ါ။ ဖြစ်နိုင်ရင် Wall-E ထဲက လူဝကြီးတွေလိုနေချင်တယ်။ ဘယ်လောက်သက်သာသလဲနော်။ လာမယ့်သူတွေ စိတ်မပူကျပါနဲ့။ ထမင်းစားခန်းကိုတော့ အိပ်ခန်းအပြင်ထုတ်ပေးထားမှာပေ့ါ။ ညအိပ်ညနေလာမယ့် ဧည့်သည်တွေအတွက် တော့ အထူးစီစဉ်ပေးရမှာပေ့ါ။ သိုင်းကားထဲက ကူးကူးလို ကြိုးတန်းပေါ် အိပ်ချင်သလား။ ဒါမှမဟုတ် နံရံကပ်ဗီဒိုတွေထဲ အိပ်ချင်သလား။ ကျုပ်က အိမ်ကလေးကို သပ်သပ်ရပ်ရပ်ဖြစ်စေချင်လို့ပါ။ မလိုအပ်တဲ့ အရာတွေနဲ့ ရှုပ်ပွမနေစေချင်ဘူးလေ။
အနားယူမယ့် အခန်းမှာတော့ home theater လေး လုပ်ချင်တယ်။ သုံးဘက်မြင် LCD ကြီးတွေနဲ့ပေ့ါဗျာ။ နားကွဲမတတ်အသံတွေထွက်ရမယ်ဗျာ။ songbox အကြီးးကြီးတွေတပ်ရမှာပေ့ါ။ ဒီအခန်းကလား… ။ ကျုပ်တယောက်ထဲအတွက်ပေ့ါ။ နောက်ကျန်းမာရေးအတွက် ဘောလုံးကွင်းတစ်ကွင်းလောက် လုပ်ချင်သေးတယ်။ မြေအောက်မှာပဲ လုပ်ချင်တာလေ။ မိုးလုံလေလုံပေ့ါဗျာ။ ခုခေတ် အားကစားရုံတွေက မိုးလုံလေလုံသာပြောတယ် တကယ်မှမဟုတ်တာဗျာ။ ကျုပ်ရဲ့ ကစားကွင်းမှာ မီးအလင်းရောင်မလိုချင်ဘူးနော်။ ကျုပ်က အမှောင်ထဲမှာ ကစားချင်တာဗျ။ ကစားတာ ကျွမ်းကျင်သွားရင် အမှောင်ထဲမှာ ဘော်လုံးကန်ခြင်းပြိုင်ပွဲမှာ သွားပြိုင်ချင်တာ။ ကျုပ်ရဲ့ ရည်မှန်းချက်တာ ဒါပဲလေ။ စာဖတ်ဖို့ကလား ကျုပ်ကအင်မတန်ပျင်းတာ။ ဒါပေမယ့် လူအထင်ကြီးဖို့ကတော့ ဒီအခန်းလိုတယ်လေ။ ဒီတော့…. လူတွေလဲအလွယ်တကူယူလို့မရအောင် မျက်နှာကျက်မှာ စာအုပ်စင်တွေထားချင်တယ်။ ဘာစာအုပ်တွေလဲဆိုတာကိုသိဖို့ အောက်ကနေမြင်ရဖို့လဲ အရေးကြီးတယ်နော်။
လူဆိုတာက အခက်သားဗျ။ သူတို့ကိုနဲနဲလောက် ပစားပေးတာနဲ့ ပုန်ကန်ချင်ကျတယ်။ ကျုပ်အိမ်မှာတော့ ဒီလိုလာလုပ်လို့ ဘယ်ရမလဲ။ ကျုပ်မှာ နိုင်ကွက်တခုရှိတယ်။ ကျုပ်အိမ်က အိမ်သာမှာ password ပေးထားမယ်။ သူတို့ အိမ်သာတက်ချင်ရင် ကျုပ်ကိုပြောရမယ်။ ဒါမှလူတွေ မပုန်ကန်ရဲမှာ။
ကျုပ်က ဟယ်ရီပေါ်တာလဲကြိုက်သဗျ။ အိမ်ကို အလှအပတွေဆင်ဖို့ ပန်းချီကားတွေကို အဲဒီဇာတ်ကားထဲကလို ရုပ်အရှင်မျိုးတွေ လိုချင်သေးတယ်။ စိတ်ချပါ… အခန်းတွေထဲဝင်ဖို့ password ပြောစရာမလိုပါဘူး။
ခင်ဗျားတို့ တွေးကြည့်စမ်းပါ။ ကျုပ်အိမ်ကြီးက ဘယ်လောက်ခန်းနားလိုက်မလဲ။ ဒီအိမ်ကြီးက falling water လို ၊ glass house လို နာမည်မကြီးနိုင်ဘူးလို့ အာမခံနိုင်ကျလား။ ကျုပ်ဒီအိမ်ကိုဆောက်ပြီးရင် အားလုံးကိုအလည်ခေါ်ပ့ါမယ်။ ကြိုတော့မှာထားမယ်နော်။ ရေကူးအရင်သင်ထားလိုက်နော်။ စိတ်ချပါ ကျူပ်အိမ်ကို ဘယ်တော့မှ သော့ခတ်မထားပါဘူး။ အချိန်မရွေး ကြိုဆိုလျက်ပါဗျာ။
(ချစ်လှစွာသောအကိုကြီး၏ စိတ်ကူးနှင့် ဗိသုကာတယောက်ရေးဆွဲမည့် အိမ်ပုံစံ ကိုရေးထားပါသည်.. ဘာကိုမှမရည်ရွယ်ပါ)
